Bókin er ætluð til upprifjunar á málfræði í fyrstu bekkjum framhaldsskóla. Lögð er áhersla á að nemendur geti talað um málfræði, lært málfræði og notað sér hana til gagns. Öll málfræði byggir á notkun hugtaka og æfingu í að fara með þau.
Meginefni bókarinnar er orðflokkar og einkenni þeirra og greinarmerkjasetning.
Bókin er ætluð til kennslu í grunnáföngum framhaldsskólanna og skiptist í tvo hluta.
Í fyrri hlutanum er fjallað almennt um setningafræði, s.s. setningarliði, setningarhluta, setningar og málsgreinar, aðalsetningar og aukasetningar, tengingar og greinarmerki.
Síðari hlutinn er aftur um greinarmerki og orðaforða málsins, endurnýjun hans og breytingar á máli og stafsetningu. Þar er m.a. drepið á framburðarbreytingar, tökuorð, nýyrði, nýmerkingar, málstefnu o.fl.
Það er reynsla margra kennara að lesendur verði gjarnan áttavilltir í miklum staðreyndaskógi þar sem þeir þekkja fátt kennileita.
Því er í þessu ágripi fyrst og fremst reynt að draga meginlínur í stuttu máli en þó sagt meira af sumum þeim verkum og höfundum sem venja er að fjalla um í framhaldsskólum. Ekki er hér heldur hirt um að rekja kenningar um bókmenntir og lítið sem ekkert fjallað um æviatriði höfunda.
Þeir kennarar sem láta nemendur lesa þessa bók geta því bætt slíkum upplýsingum við og öðru því sem þeir telja miklu varða.
Höfundar: Kristján Eiríksson og Sigurborg Hilmarsdóttir
Í þessu kveri eru útskýrð algengustu hugtök sem notuð eru við kennslu bókmennta og greiningu þeirra. Eiríkur G. Guðmundsson, skólameistari, hefur um árabil kennt íslenskar bókmenntir í framhaldsskóla og í tengslum við þá kennslu tók hann saman þetta efni fyrir nemendur sína.
Útgáfa þessi er byggð á eldri útgáfu af Brennu-Njáls sögu sem Jón Böðvarsson bjó til prentunar fyrir röskum þremur áratugum.
Fremst er inngangur ritaður af Jóni og þá yfirlit um ættir og vensl helstu sögupersóna.
Orðskýringar eru neðanmáls og hefur verið aukið við þær frá fyrri útgáfu auk þess sem köflum hefur verið valið heiti. Aftast eru verkefni og nafnaskrá.
Bókinni fylgir geisladiskur með ljósmyndum, kortum og öðru myndefni af sögusviði.
Þetta er ný og endurskoðuð skólaútgáfa Snorra-Eddu.
Hér er Prologus verksins hafður með auk Gylfaginningar og lengstu frásagnarkafla Skáldskaparmála. Þá fylgja örfáir kaflar úr Ynglingasögu með í viðauka.
Textinn er í öllum aðalatriðum færður til nútímastafsetningar og fylgja skýringar bundnu sem óbundnu máli.
Í bókinni eru vísnaskýringar og skrár auk nýs eftirmála um Snorra Sturluson og verk hans.
Með þessari útgáfu fylgir bæði ítarefnishefti, þar sem valdir hafa verið saman textar sem tengjast Eiríks sögu á einhvern hátt, og kennarahefti með kennsluleiðbeiningum sem Ragnar Ingi tók saman.
Kennslubók þessi í textaritun og meðferð texta er samin með hliðsjón af námskrá menntamálaráðuneytisins fyrir nám í upplýsinga- og fjölmiðlagreinum sem gefin var út árið 2001.
Efni bókarinnar er hluti af grunnnámi á upplýsinga- og fjölmiðlabraut.
Höfundar: Dóróthea J. Siglaugsdóttir og Guðlaugur R. Guðmundsson
Hænsna-Þóris saga fjallar um átök sem verða þegar hey þrýtur á miðjum vetri og harðindi sverfa að sauðfjárbændum. Harðvítugar deilur leiða af sér hvert voðaverkið eftir annað. Sagan lýsir hinum ýmsu skapgerðarþáttum mannanna, svo sem illsku, öfund, græðgi, hefnigirni og heigulshætti en einnig heiðarleika, sanngirni, þreki, þori og tryggð. Inn í þetta fléttast líka saga af ástinni sem undir lokin á sinn þátt í að skapa aftur frið í sveitinni.
Þessi útgáfa er að mestu miðuð við þarfir skólafólks. Orðskýringar eru margar og ítarlegar og köflunum fylgja ýmiss konar verkefni sem eiga að stuðla að auknum skilningi á efni sögunnar en jafnframt að örva hugmyndaflug og sköpunargáfu.
Í þessari útgáfu Hrafnkels sögu er fléttað saman sögutexta og ýmsum áhugaverðum upplýsingum sem gerir ferðalag á söguslóðir bæði auðvelt og spennandi.
Auk sögutextans sjálfs, sem er myndskreyttur af Pétri Behrens, er í bókinni að finna ítarefni eftir Dagnýju Indriðadóttur sem varpar ljósi á samfélagsmynd sögutímans. Þá hafa verið unnin ítarleg kort sem gera lesendum og ferðalöngum kleift að glöggva sig nánar á staðháttum, hvar söguskilti og gönguleiðir er að finna og hvernig best megi haga ferðum með tilliti til áhuga, getu og langana þeirra sem leggja upp í ferð um söguslóðirnar.