Þessi bók um lagnir er ætluð öllum þeim sem hafa áhuga á lagnamálum eða langar til að auka þekkingu sína og skilning á því sviði. Höfundur bókarinnar hefur leitast við að gera bókina þannig úr garði að hún nýtist breiðum hópi fólks; ráðgjöfum, veitumönnum, efnissölum, pípulagningamönnum, lagnafræðinemum í tækni- og háskólum og almennum borgurum.
Í bókinni eru tólf kaflar og fjalla þeir um alla þá þætti sem snerta lagnakerfi mannvirkja, að brunaviðvörunar- og slökkvukerfum undanskildum.
Fyrir nokkrum árum fengu fræðslunefndir Málarameistarafélags Reykjavíkur og Málarafélags Reykjavíkur í hendur norska bók um málningu innan- og utanhúss. Þessi bók þótti góð að því leiti að hún spannaði yfir flesta þætti iðngreinarinnar og var auk þess skemmtileg í allri framsetningu þar sem myndir lífguðu uppá efnið. Bókin er staðfærð og breytt í samræmi við íslenskar aðstæður.
Bók þessi er úr norskum kennslubókaflokki (Yrkeslære for snekkere) og er ætluð trésmíðanemum. Í tíu köflum eru helstu samsetningarnar kynntar og vinnuaðferðirnar við þær, svo sem geirnegling, töppun, grötun, dílun, límfellingar o.fl. auk skrúfu- og naglfestinga. Enn fremur er fjallað um vinnuaðferðir og vinnslu á smíðaviði. Bókin er einkum hugsuð til kennslu í verktækniáföngum, bóklegum og verklegum.
Höfundar: Henry Brinchmann, Bertil Helin, Tord Jeppsson og Rolf Nordmo
Helstu kaflar: Snjóbræðslukerfi – Geislahitun – Gas og gastæki – Varmadælur, kæliraftar og sólarorka – Rotþrær, siturlagnir, hreinsistöð og lífræn salerni – Brunavarnarkerfi – Heitir pottar og sundlaugar – Lofthita- og loftræsikerfi – Ryksugukerfi – Mælieiningar.
Í þessari bók er fjallað um ólíkar gerðir stiga: beinan stiga, kvart- og hálfsnúinn stiga, spindil- og hringstiga en auk þess handlistabeygjur. Bókin skiptist í tvo hluta. Í þeim fyrri er nákvæm útlistun á uppbyggingu þessara ólíku stigagerða, auk teikniverkefna, en í þeim síðari, Stigasmíði – verklegar aðferðir, eru kenndar nokkrar aðferðir til að smíða tréstiga.
Bókin er ætluð til kennslu í tréiðngreinum en ætti jafnframt að gagnast þeim sem vilja læra aðferðir við stigasmíði eða fræðast um samsetningu þeirra.
Bókin fjallar um undirstöðutækni í stýrikerfum og tæknibúnaði lagnakerfa og er ætluð til kennslu í framhaldsskóla. Gerð er stuttlega grein fyrir undirstöðuatriðum reglunartækni og tæki til stýrina kynnt. Fjallað er um aðferðir við jafnvægisstillingar hitakerfa sem er grundvöllur þess að stýring þeirra sé árangursrík.
Bókin fjallar um undirstöðutækni lagnateikninga fyrir heitt og kalt vatn innanhúss og er ætluð til kennslu í framhaldsskóla. Gerð er grein fyrir mismunandi gerðum lagnateikninga, hvernig þær verða til og tilgangi þeirra.
Í þessari handbók er saga tréskurðar rakin að nokkru, einkum hér á landi, sem og ýmsar hliðar tréskurðar. Fjallað er um verkfæri og meðhöndlun þeirra, viðartegundir og sitthvað sem að þeim lýtur. Einnig er fjallað um form og mynstur og enn fremur vikið að ýmsum tæknilegum hliðum tréskurðar.
Lítið er til af lesefni um þetta efni á íslensku og því gæti bókin hentað þeim sem hefðu hug á að stunda tréskurð og þeim sem eru komnir eittthvað áleiðis.
Í bókinni er fjallað um flest það sem trésmíði viðkemur og lögð áhersla á að sýna efni og útfærslur í þrívídd. Fjallað er um trésmíðateikningar, grunnhönnun, teikniskrift, málreglur og grunnatriði við teikningu sem og útfærslu fyrir handsmíði og vélsmíði á húsgögnum, en einnig um innréttingar, raðsmíði, húshluta og milliveggi o.fl.
Auk þess er í bókinni margvíslegt myndefni fyrir trésmiði og verkefnabanki fyrir nemendur.
Höfundar: Walter Ehrmann, Wolfgang Nutsch og Bernd Spellenberg
Bókin er hluti bókaflokks í bygginga- og mannvirkjagreinum sem IÐNÚ bókaútgáfa gefur út í samstarfi við Menntafélag byggingariðnaðarins. Bækurnar eru þýddar úr sænsku og í þeim er fjallað á einfaldan og skýran hátt um grunnþætti tré- og byggingagreina. Í Útveggjaklæðningum er umfjöllunarefnið veggstoðir, gólfbitar og útveggjaklæðningar úr timbri. Fjöldi teikninga er í bókinni auk verkefna.
Þýðendur: Jóna Dóra Óskarsdóttir og Hallgrímur Guðmundsson
Í þessari kennslubók er kynning á starfssviði einstakra iðngreina í byggingariðnaði og sérnámi þeirra, auk verkefna sem nemendur vinna í áfanganum Verktækni grunnnáms VTG 106 eða sambærilegum áföngum.
Höfundar: Ýmsir fagmenn í byggingariðnaði og kennarar í iðn- og fjölbrautarskólum
Bók þessi er úr norskum kennslubókaflokki (Yrkeslære for snekkere) og er ætluð trésmíðanemum. Bókin fjallar um helstu trésmíðavélar á einfaldan og aðgengilegan hátt og ætlast er til að stuðst sé við bókina í sjálfu verklega náminu. Jafnframt hefur bókin að geyma ýmsar faglegar ráðleggingar og skrifleg verkefni. Allir tólf kaflar bókarinnar hafa sams konar uppbyggingu og eru hver um sig öðrum óháðir og er því sama í hvaða röð þeir eru kenndir. Mikil áhersla er lögð á allar varúðarráðstafanir í meðferð trésmíðavélanna og allur öryggisútbúnaður er rækilega skýrður.
