Hársnyrting – undirstöðuatriði

Um er að ræða ítarlegt rit um flestallt sem viðkemur hársnyrtingu, hið fyrsta sinnar tegundar á íslensku, gefið út í samvinnu við Pivot Point á Íslandi. Bókin skiptist í tvo hluta, 1. Fræðilegan grundvöll hársnyrtingar og 2. Hárþjónustu. Byrjað er að fjalla um heim fagmannsins og vistfræði stofunnar, örverufræði, smitvarnir og skyndihjálp. Þá fylgja kaflar um undirstöðueiningar mannslíkamans og helstu líffærakerfi en einnig um efnafræði hársnyrtivara og allt sem lýtur að rekstri hársnyrtistofu. Seinni hlutinn snýr svo að hárþjónustu, fjallað er um hárfræði, umönnun hársins og undirbúning hárþjónustu. Enn fremur um stílmótun og stílhönnun, allt sem varðar klippingu, hárhönnun, hárkollur og aukahár og loks eru ítarlegir kaflar um permanent- og sléttunarfræði og hárlitun. Bókina prýðir aragrúi ljósmynda og skýringarteikninga. Við útgáfu hennar nutu þýðendur dyggrar aðstoðar fagkennara, brauta- og skólastjórnenda.

• Höfundur: Pivot Point

• Þýðandi: Margrét Ísdal, Þórdís Eiríksdóttir og Jóna Dóra Óskarsdóttir

• Útgáfuár: 2013

• 240 bls. / ISBN 978-9979-67-313-2