Showing 65–72 of 72 results

Upp við fossa

kr. 3.180

Þórður Helgason bjó til prentunar, ritaði formála og samdi skýringar. Bókin kom fyrst út árið 1902. Verkefni fylgja hverjum bókarkafla auk lokaverkefna aftast í bókinni.

Jón Stefánsson fæddist 2. júní 1851 að Skútustöðum í Mývatnssveit. Hann missti móður sína níu ára gamall og faðir hans drukknaði 1868. Næstu árin var Jón vinnumaður á ýmsum bæjum í sveitinni, þar af eitt sumar í Húnavatnssýslu. Hluta úr vetri var hann við nám hjá prestinum að Skinnastað í Öxarfirði. Öðru námi átti hann ekki kost á. Að þessu frátöldu ól hann allan aldur sinn í Mývatnssveit þar sem hann bjó lengst af á bænum Litluströnd ásamt konu sinni Jakobínu Pétursdóttur og tveimur dætrum. Hreppstjóri varð Jón 1889. Hann lést árið 1915.

Hugur Jóns stóð til ritstarfa sem hann gat þó nær einungis sinnt að loknum löngum vinnudagi. Upp við fossa er hans veigamesta saga. Hún var gefin út 1902 og verður að teljast merkur áfangi í þróun íslenskrar skáldsagnagerðar – er fyrsta natúralíska skáldsagan sem rituð var hér á landi. Sagan er um ástina og óskoraðan rétt hennar til að fá að njóta sín – sé henni sýnd sú virðing að fela hana ekki bak við leynd og lygi. Mikið var um söguna rætt og ritað á sínum tíma og var komist svo að orði að líklega hefði „aldrei … orðið slíkur úlfaþytur um nokkra bók á landi hér“.

  • Höfundur: Þorgils gjallandi

  • Útgáfuár: 1996

  • 211 bls. / ISBN 9789979831617

VEFBÓK – From Where You Are

kr. 2.490kr. 3.390

Kennslubók í ensku með sýnitextum af ýmsum gerðum. Textunum fylgja gagnvirkar æfingar, hljóðskrár með upplestri lesara sem hafa ensku að móðurmáli og myndbandsupptökur af viðtölum við sérfræðinga á viðkomandi sviði.

  • 180 gagnvirkar æfingar
  • 30 myndbönd

Kaupendur ganga frá pöntun og greiða í vefverslun. Þá fá þeir sendan tölvupóst til sín með veflykli til að virkja vefbókina sem þeir voru að kaupa og leiðbeiningum um hvernig þeir stofna sér aðgang og virkja veflykilinn. Athugið að tölvupósturinn gæti lent í „Ruslpósti“ (Junk mail)

VEFBÓK – Hagnýt skrif

kr. 2.790kr. 3.690

Hagnýt skrif er kennslubók í ritun fyrir nemendur á öllum stigum framhaldsskóla. Bókin skiptist í þrjá meginkafla: Að skrifa texta, Heimildavinna og Gerðir ritsmíða.

Í síðasta kaflanum er fjallað um allmargar tegundir texta, til dæmis blaðagreinar, lýsingar, starfsumsóknir, bókmenntaritgerðir o.fl. Kynnt eru helstu atriði í heimildavinnu og gefin holl ráð og leiðbeiningar um hvernig á að skrifa margs konar nytjatexta.

Í hverjum kafla er fjöldi verkefna, gagnvirkra æfinga og sjálfsprófa. Alls eru 59 gagnvirkar æfingar og verkefni og 20 próf og góðir möguleikar á sjálfstæðri vinnu nemenda með gagnvirkri endurgjöf jafnharðan.

Kaupendur ganga frá pöntun og greiða í vefverslun. Þá fá þeir sendan tölvupóst til sín með veflykli til að virkja vefbókina sem þeir voru að kaupa og leiðbeiningum um hvernig þeir stofna sér aðgang og virkja veflykilinn. Athugið að tölvupósturinn gæti lent í „Ruslpósti“ (Junk mail)

Víetnömsk-íslensk/íslensk-víetnömsk orðabók

kr. 2.210

Þetta er fyrsta bók sinnar tegundar á íslensku.

Við val á orðum í bókina var þess gætt að hún kæmi að góðum notum bæði við nám og í daglegum samskiptum. Víetnömsk málfræði er mjög frábrugðin þeirri íslensku og því fylgja málfræðilegar upplýsingar hverju orði og sums staðar eru gefin dæmi um notkun.

Til að auka notagildi bókarinnar eru í henni leiðbeiningar um íslenskan framburð með hliðsjón af víetnömskum framburði, almennar útskýringar á fallbeygingum og listi yfir fallbeygingar nafnorða, lýsingarorða og sagnorða.

  • Höfundar: Anh-Dao Tran og Valdís Stefánsdóttir

  • Útgáfuár: 2010

  • 216 bls. / ISBN 9789979672470

Þankaganga Myslobieg 2

kr. 2.485

Þankaganga lobieg 2 – Súsanna í Póllandi er sjálfstætt framhald af Þankaganga sem fékk Fjöruverðlaunin, bókmenntaverðlaun kvenna 2010 í flokki barnabókmennta, Vorvinda, viðurkenningu IBBY á Íslandi og er á heiðurslista alþjóðasamtaka IBBY 2012.

  • Höfundur: Vala Þórsdóttir og Agnieszka Nowak

  • Útgáfuár: 2011

  • 117 bls. / ISBN 9789979672890

Þýsk-íslensk/íslensk-þýsk orðabók

kr. 3.280

Orðabók þessi er aukin og endurbætt útgáfa af Þýsk-íslenskri/íslensk-þýskri orðabók sem gefin var út árið 2004. Hún hefur verið yfirfarin og bætt hefur verið við orðum og skýringum í báða hluta.

Í þýsk-íslenska hlutanum eru gefnar upplýsingar um orðflokka, kyn og kenniföll nafnorða, kennimyndir sagna og fallstýringu. Síðan er gefin íslensk þýðing orðsins og einnig fjölmörg skýr dæmi um notkun. Í sumum tilvikum eru einnig gefin samheiti eða andheiti. Í nokkrum tilvikum er getið um staðbundna notkun orðsins, s.s. í Austurríki og Sviss.

Í íslensk-þýska hlutanum eru gefnar upplýsingar um orðflokk, kyn og kenniföll nafnorða og kennimyndir sagna. Einnig stigbreytingu lýsingarorða og fallstýringu forsetninga. Við gerð bókarinnar var það haft í huga að hún sé handhæg og gagnist sem best skólafólki og öllum almenningi.

  • Höfundur: Steinar Matthíasson

  • Útgáfuár: 2009

  • 386 bls. / ISBN 9789979672326