Lopapeysuprjon-cover

Lopapeysuprjón: fyrir byrjendur og lengra komna

kr. 3.455

„Íslenska lopapeysan á sér ríka sögu og hefur þróast um langt árabil. Það sem gerir hana eftirsótta er að hún er fljótprjónuð, einföld og falleg.“

Bókin hvetur til skapandi hugsunar við prjónaskapinn, leiðbeinir hvernig megi prjóna eftir eigin hugmyndum og breyta uppskriftum að vild. Markmiðið er að gera lopapeysuprjón aðgengilegt og áhugavert fyrir hvern sem er, unga jafnt sem aldna.

Vörulýsing

Höfundur: Auður Björt Skúladóttir

Lopapeysuprjón er leiðarvísir fyrir byrjendur og lengra komna í lopapeysuprjóni. Bókin hvetur til skapandi hugsunar við prjónaskapinn, leiðbeinir hvernig megi prjóna eftir eigin hugmyndum og breyta uppskriftum að vild. Markmiðið er að gera lopapeysuprjón aðgengilegt og áhugavert fyrir hvern sem er, unga jafnt sem aldna.

Bókin samanstendur af ítarlegum upplýsingum um áhöld og leiðbeiningum um hvernig sé best að taka mál, mæla prjónfestu og fylla út vinnuskýrslu. Jafnframt er þar að finna skýringarmyndir um hvernig skuli lesa munstur, prjóna stroff og lykkja saman undir ermum. Bókin inniheldur tvær uppskriftir, eina peysu fyrir börn á aldrinum 2 til 10 ára og aðra peysu í stærðum XS-XXL. Boðið er upp á 18 munstur í þremur erfiðleikastigum, níu fyrir hvora uppskrift. Munstrin eru í eigu Ístex. Engir litir eru settir inn í teikningar af munstum, en bókinni fylgir litaspjald frá Ístex með þeim litum sem eru í boði á markaðinum í dag.

Höfundur bókarinnar, Auður Björt Skúladóttir, hefur lengi hannað uppskriftir og prjónað eftir sínu eigin höfði. Prjónauppskriftir hennar hafa meðal annars birst í Húsfreyjunni og á handavinnuvefnum ravelry.com. Þessi bók er afrakstur útskriftarverkefnis Auðar til B.ed.-gráðu við Háskóla Íslands.

Bókin er 67 bls.
ISBN: 978-9979-67-406-1